Por fin chegou o bo tempo... que mellor plan que unha excursión ao campo, un pícnic relaxante ou unha divertida xornada de praia? Ou talvez prefires gozar dun aperitivo ou dunha deliciosa comida na túa terraza?

Por iso, presentámosche unha selección de produtos fáciles de transportar e comer, moi prácticos. Elixímolos coidadosamente para que te deleites co mellor sabor mentres gozas ao aire libre dunha boa petiscada. Dende refrixerios lixeiros a opcións máis contundentes, temos todo o que necesitas para que eses momentos sexan insuperables.

Descubre as nosas suxestións!

Aperitivos

Déixate seducir pola nosa incrible variedade de aperitivos, o mellor para romper o xeo e ir entrando en materia. Con tantas opcións deliciosas, non hai perda posible, sempre acertas!

• Olivas verdes con recheo de anchoa (paquete 3): unha combinación perfecta, deliciosas olivas verdes con recheo de anchoas, nun práctico paquete de tres unidades. O aperitivo clásico que mellor te acompaña en calquera ocasión ao aire libre.
• Queixo semicurado mestura cortado en cuñiñas: este queixo, elaborado cunha mestura de leites de vaca, ovella e cabra, non pode faltar. Presenta un perfil equilibrado de sabor e unha textura suave, e vén xa cortado en cómodas cuñas para maior facilidade de manexo.
• Hummus Classic: goza do sabor auténtico e saudable do noso hummus classic, preparado a base de garavanzos, aceite de oliva, un toque de limón e allo. Este clásico mollo mediterráneo é unha opción deliciosa para os teus momentos ao aire libre, combinado con pauciños de cenoria, regañás, nachos, etc. Non falla!
• Pauciños de cenoria: frescos e crocantes, os pauciños de cenoria sempre están á altura como aperitivo ou acompañamento do teu hummus ou do teu mollo favorito. Unha opción rica e saudable para o teu pícnic.
• Cóctel mestura: descubre esta combinación de sabores e texturas, que inclúe millo, cacahuetes, garavanzos, bóliñas de aperitivo e pasas sultás. Animan calquera ocasión, dende reunións informais a petiscadas varias.
• Regañás: as tradicionais regañás son outra delicia adecuada para as túas escapadas e os teus pícnics, elaboradas con ingredientes naturais e enfornadas para conseguir a máxima calidade e sabor. Deléitate co seu sabor intenso a sésamo e o seu toque de aceite de oliva, que as converten nunha base perfecta para os teus queixos, patés ou calquera mollo.
• Guacamole: o noso Guacamole, fresco e cremoso, está elaborado cun 95 % de aguacate fresco. Un clásico indiscutible do noso lineal, que engade á súa composición cebola, xalapeño, coandro e un toque de limón. Así conseguimos un sabor auténtico e unha textura suave. O complemento perfecto de nachos, tacos, burritos ou simplemente para untar en pan tostado, este mollo é un favorito indiscutible dos amantes da cociña mexicana.
• Nachos naturais: se che vai a experiencia mexicana, goza destes crocantes nachos de millo, a parella ideal do teu guacamole, salsa de queixo ou calquera outro mollo. Coa súa forma triangular e a súa textura crocante, non perden un banquete, porque son ideais para festas, reunións informais, para gozar vendo unha película na casa ou como aperitivo para as túas escapadas ao aire libre. Non os esquezas!
• Chícharos de raposo: dálle auténtico aire mediterráneo ao teu pícnic cos nosos chícharos de raposos frescos e salgados, o clásico aperitivo que destaca polo seu sabor único e a súa textura carnosa.
• Mexillóns en escabeche: escolle a combinación de sabores mariños máis tentadora para a túa próxima escapada. Co toque ácido e aromático do escabeche, estes mexillóns consómense sós ou como parte dunha ensalada ou dunha tapa gourmet. De calquera forma, están deliciosos.
• Fuet Espetec: goza deste clásico embutido catalán, elaborado con carne magra de porco e especias selectas. Irresistible en calquera táboa de embutidos, petiscada ou bocadillo para gozar ao aire libre. Calidade e sabor en cada bocado.
• Patacas fritas onduladas sabor xamón curado: saborea a combinación perfecta do auténtico sabor a xamón curado coa textura máis apetecible e crocante. Estas patacas, con forma ondulada que lles dá un extra crocante, son imprescindibles na túa cesta de pícnic, para gozalas soas ou como gornición en calquera prato.

Pratos principais

Prepárate para gozar ao máximo da túa comida ou cea ao aire libre cos nosos pratos principais. Propostas para todos os gustos e ocasións, para que te organices sen problemas mentres gozas do bo tempo. Axudámosche a crear momentos inesquecibles.

• Empanada de atún: a nosa empanada con recheo de zumarento atún e tomate, envolta nunha masa crocante e dourada, é unha experiencia que non podes perder. Perfecta para gozar como aperitivo, pero cumpre de sobra para unha comida rápida e saborosa ao aire libre.
• Ensalada rusa: goza dunha marabillosa inmersión na tradición culinaria española con esta ensalada rusa, elaborada con atún, patacas, cenorias, chícharos, ovo cocido e maionesa. Como tapa, entrante ou gornición é unha combinación imbatible e versátil para calquera ocasión ao aire libre. Non a esquezas!
• Pastel frío de atún: outra delicia que lle dará un punto elegante ao teu pícnic, á parte de deleitarvos co seu exquisito sabor. Unha mestura de atún, ovo cocido, maionesa e outros ingredientes presentada en forma de pastel e servida fría. Suave e cremoso, resulta ideal para calquera época do ano, ben sexa nun pícnic primaveral ou nunha reunión familiar do verán.
• Gaspacho fresco: refréscate co noso gaspacho fresco, a sopa fría tradicional española elaborada con tomates maduros, cogombro, pemento, cebola, allo, aceite de oliva e vinagre. A tope de sabor e nutrientes, non encontrarás nada mellor como entrante lixeiro ou bebida revitalizante para os días calorosos.
• Tortilla de pataca e cebola: non pode faltar na túa mesa de pícnic unha clásica tortilla de pataca e cebola. O seu sabor auténtico e a súa textura esponxosa son imprescindibles en calquera reunión ao aire libre. Maior versatilidade, imposible: serve como entrante, tapa ou prato principal. Pona na cesta!

Refrescos e bebidas

Esas escapadas espertan a sede, por iso hai que hidratarse. Temos un mundo de sabores e opcións diversas para complementar os teus momentos de relax ao aire libre.

• Viño branco Verdello DO Rueda Abadía Mantrús: este viño branco verdello da prestixiosa denominación de orixe Rueda, achegará calidade e frescura aos teus momentos ao aire libre. Saborea o seu equilibrio perfecto e o seu carácter afroitado, ideal para acompañar pratos de peixe, mariscos, ensaladas e, sobre todo, para gozar en boa compañía.
• Cervexa suave Steinburg: goza da suavidade e do sabor refrescante desta cervexa suave, irresistible en días calorosos. Unha elección perfecta que che serve para acompañar comidas lixeiras ou para gozar soa como refresco.
• Tinto de verán zero limón 0 % alcohol 0 % azucre: o seu delicioso sabor a limón conquistarache dende o primeiro sorbo. É perfecto para aqueles que buscan gozar dunha bebida refrescante sen preocuparse das calorías nin do contido de alcohol. Este tinto de verán é unha magnífica opción para manterte hidratado e fresco nas túas saídas ao aire libre. Non o perdas!
• Refresco té sabor pexego zero: outra magnífica suxestión para as túas escapadas, un refresco de sabor natural e libre de calorías. A súa frescura e un lixeiro toque doce convérteno na elección ideal para acompañar comidas lixeiras e refrescarte cando a calor aperta.
• Cervexa Radler con zume natural de limón Steinburg: esta cervexa con limoada, de sabor suave e afroitado, ofréceche unha experiencia refrescante ao aire libre que non podes deixar pasar. Unha mestura equilibrada que podes gozar en calquera momento do día e compartir cos teus amigos.

Momentos doces

Ponlle o toque doce aos mellores momentos. Toda reunión ao aire libre necesita o broche de ouro perfecto e aquí están as nosas suxestións para acabar por todo o alto. Déixate tentar por unha vez!

• Froitas frescas e variadas: para a sobremesa de calquera comida, non pode faltar a deliciosa e nutritiva froita. Deléitate con esta selección fresca de froitas naturais que inclúe zumarentas laranxas, kiwis refrescantes, framboesas doces, amoras maduras, apetitosas sandías e mazás crocantes. Ideais para consumir soas en calquera momento do día ou como parte dunha ensalada, sobremesa ou smoothie.

E, para aqueles días ocasionais nos que queremos ter un capricho máis doce, temos unha ampla selección de produtos fáciles de transportar e de consumir en calquera lado:

• Croissant con crema de cacao: gózao no almorzo, na merenda ou como refrixerio cando máis che apeteza. Este croissant seducirache coa súa masa follada e o seu apetecible recheo doce de chocolate. Non te poderás resistir!
• Barriñas de espelta sabor mazá 0 % azucres engadidos: unha suxestión que equilibra á perfección coidado e sabor, ideal para gozar como merenda ou refrixerio ao longo da xornada. Elaboradas con ingredientes naturais e un baixo contido en azucres, estas barriñas son una elección intelixente para coidarte sen renunciar a un aperitivo delicioso.
• Minicereais con recheo de leite: co seu pequeno tamaño e o seu recheo cremoso, conquistan a pequenos e grandes. Unha alternativa práctica e deliciosa para os teus almorzos e para picar entre horas.
• Galletas minicariñas con crema de cacao: divírtete coas nosas galletas mini con forma de cariñas e con recheo de saborosa crema de cacao. Co seu sabor doce e coa súa textura crocante, son o capricho perfecto para as merendas e os refrixerios dos máis larpeiros.

Zumes e outras bebidas

Na nosa selección de zumes e outras bebidas, encontrarás opcións para a hidratación de toda a familia. Tanto se buscas alternativas saudables para os máis pequenos como bebidas revitalizantes, temos todo o que necesitas. Non esquezas levalos na túa próxima escapada.

• Froita para beber de amorodo e plátano: co doce sabor do amorodo e do plátano, esta opción é ideal tanto para os pequenos da casa como para os maiores. Elaborada con ingredientes naturais e sen azucres engadidos, esta froita para beber é perfecta para introducir ao teu bebé na alimentación complementaria de maneira saudable e saborosa.
• Batido de chocolate Hacendado 0 % azucres engadidos: goza dun momento de pracer completo con este batido, elaborado con cacao puro e sen edulcorantes; unha opción equilibrada, deliciosa e saudable para as túas merendas e os teus refrixerios. Sorpréndete co seu sabor intenso e coa súa textura cremosa. A elección dos amantes do chocolate que coidan a súa alimentación.
• Café con leite espresso: esperta os teus sentidos coa combinación máis inspirada de café intenso e leite cremoso elaborado ao estilo expreso. Ben sexa para empezar o día con vitalidade ou para un momento especial de relax, este café cativarate co seu sabor e co seu aroma estimulantes. Cada sorbo é puro pracer!
• Zume de laranxa acabado de espremer: directamente dende a laranxa ao teu vaso. Poucas cousas te refrescan e recargan de enerxía como o noso zume de laranxa acabado de espremer. Elaborado con laranxas frescas e sen aditivos nin conservantes, este zume é unha fonte natural de vitaminas e minerais que te axudará a manterte hidratado e saudable en calquera momento do día.

Imprescindibles

Hai unha serie de produtos imprescindibles que axudan a que cada evento ao aire libre sexa perfecto: panos da mesa de papel, vasos e pratos, protectores solares, etc. Coa nosa variedade de produtos, estarás preparado para calquera situación. Descúbreos!

• Panos da mesa de papel suave 2 capas: os nosos panos da mesa de papel están deseñadas para ofrecerche comodidade e practicidade en cada uso. Con dúas capas de suavidade e absorbencia, resistentes e duradeiras, limpan mans e superficies con total eficiencia. Moi útiles na casa, na oficina ou nos eventos sociais.
• Cunco biodegradable Bosque Verde 400 ml: estes cuncos biodegradables foron elaborados con materiais ecolóxicos e respectuosos co medio ambiente. Cun deseño resistente, teñen unha capacidade de 400 ml, que permite servir desde aperitivos ata sopas de maneira sostible, tanto na casa como ao aire libre.
• Prato chan biodegradable Bosque Verde 22 cm: goza das túas comidas favoritas de maneira segura e sostible con estes prácticos pratos. O seu tamaño de 22 cm permite servir aperitivos, ensaladas ou sobremesas con toda comodidade e coa tranquilidade de utilizar un produto sostible.
• Garfos e coitelos de plástico Bosque Verde reutilizables: esquécete dos cubertos desbotables e utiliza esta práctica alternativa sostible. Fabricados con materiais duradeiros e resistentes, perfectos para calquera ocasión. Ademais, contribúen a reducir o desperdicio de plástico.
• Vasos grandes de plástico Bosque Verde reutilizables 550 ml: estes vasos teñen un deseño sostible e versátil, con capacidade e resistencia sobradas, ben sexa para bebidas frías ou quentes. Ideais para calquera ocasión, están fabricados con materiais duradeiros que garanten un uso prolongado.
• Recipiente hermético de plástico rectangular 1 l Bosque Verde: mantén os teus alimentos frescos e ben organizados con este recipiente hermético. Grazas á súa capacidade de 1 l e ao seu práctico deseño, é perfecto para gardar sobras, aperitivos ou outros ingredientes de maneira segura e eficiente. Fabricado con materiais de alta calidade, garante a frescura dos teus alimentos durante máis tempo.
• Xel facial protector solar invisible Deliplus FPS 50: protexe a túa pel do sol con factor de protección solar F50. Moi práctico, podes levalo no bolso ou na mochila e aplicalo de maneira fácil en calquera momento e lugar. Ao ser transparente non deixa rastro branco na pel. Goza do sol sen preocupacións!
• Roll-on alivio proído: este produto contra as picaduras de insectos non pode faltar na túa bolsa de viaxe ou na túa caixa de primeiros auxilios. Unha solución perfecta para aliviar irritacións cutáneas e reaccións alérxicas, que che dá un plus de tranquilidade. Co seu aplicador roll-on proporciona un alivio instantáneo e duradeiro. Mantén a túa pel protexida en todo momento!
• Candea antimosquitos e moscas: para evitar que os mosquitos ou as moscas estraguen o plan, a nosa candea con acción insecticida e un aroma agradable a citronela, actúa como repelente de insectos grazas ás propiedades desta planta aromática.

Outras recomendacións

Outra boa suxestión para a túa cesta de pícnic son os nosos Pauciños de pan enfornados, perfectos para picar entre horas, para dipear, acompañar os teus pratos favoritos, etc.

Cando se organiza unha boa petiscada, é o momento de sacar os nosos tres tipos de Galletiñas salgadas. Escolle as túas favoritas!

Outros que sempre triunfan nas escapadas ao aire libre son os nosos Froitos secos e froitas deshidratadas.