Nun mundo cada vez máis consciente dos desafíos globais, as empresas desempeñan un papel fundamental na promoción e no cumprimento dos Obxectivos de Desenvolvemento Sostible (ODS) do Pacto Mundial. Estes obxectivos, establecidos pola Organización das Nacións Unidas, perseguen a construción dun futuro sostible e equitativo para todos. É por iso polo que, dende 2011, Mercadona é socia desta iniciativa traballando de forma constante para dar resposta a aqueles obxectivos nos que máis inflúe o impacto da súa actividade. Ademais, a compañía impulsa accións medioambientais, sociais e de goberno responsables e que impacten positivamente nos ámbitos nos que ten presenza.

Vídeo en español

Mercadona e Obxectivos de Desenvolvemento Sostible

Mercadona ten en curso diferentes accións que axudan a cumprir e promover a maioría dos Obxectivos de Desenvolvemento Sostible. En total hai 17 e a compañía dá resposta a aqueles nos que a súa actividade impacta.

Entre eles, están a eliminación da pobreza, a educación de calidade, a igualdade, a defensa do medio ambiente ou o deseño de cidades sostibles.

No seguinte enlace encóntranse dispoñibles todas as accións que Mercadona ten en curso.

Un modelo de empresa social e sostible

Dende a súa fundación, Mercadona consolidou un proxecto empresarial que impulsa o crecemento compartido, xerador de proxectos solidarios e creador de riqueza conxunta. Obxectivos que traballa a través do seu Plan de Acción Social, co que promove e apoia iniciativas de distinta índole, como a solidaria, formativa ou innovadora, que son á súa vez elementos claves de cohesión e equilibrio social.

Un proxecto que non só achega valor á sociedade, senón que forma parte dela e, como tal, colabora co obxectivo de crecer da súa man e construír “unha empresa que a sociedade queira que exista e sinta orgullo dela”.